తెలుగు కావ్య మథనము

 ఈనాటి తెలుగు తేనియలు‌

సమస్య. 

శరదృతు వెన్నెల ప్రియునికి సంకటము కదా

ఇచ్చిన పాదము  కందము  నా పూరణము  

సీసములో

రాముడు సీతా వియోగము తో బాధ పడు సందర్భము

చెట్టుపై నున్నట్టి చిలుకల జంటలు గూళ్ళకు‌ చేరెగా కువకువలను

సలుపకన్,వర్షంపు జలముతో జలపాత‌పు లలన‌ భూమిని ముద్దు పెట్డ

దలచి దుముకు చుండె జలజలా ఖలము పైకిన్, కపోతంపు యు‌గళము లన్ని

గురుగురు మనుచుండె కొమ్మల‌నడుమన,చటకములు కిచకిచమని రవము

లేమియు చేయక కామిత ములుతీర్చుకొనుచుండె, నాకసమ్మున చిరు‌ జల

దములైన  లేకుండ తారకావిటుడు ప్రకాశించెడి ధవళ‌ కాంతుల‌ నులి

వెచ్చని శరదృతు వెన్నెల ప్రియునికి సంకటము కదా, యిషణము నాప

కష్టమగుచుండె ,సీతలేక  మనుటెంత

దుర్భ రంబునో గద, పత్ని తోడు  లేని

జీవితంబు వ్యర్ధముగదా,చెప్పు చుంటి

వినుము‌ లక్ష్మణా యని రాము డనెను వనిన

ఖలము  = నేల,

చటకము  = ఊర పిచ్చుక

జలదము = మేఘము

తారకా విటుడు =  చంద్రుడు

ఇషణము  =  కోరిక